مهارات محمد صلاح
محمد صلاح بقى مثل اعلى لشباب كتير فى مصر والعالم كله تقريبا
بس هل عمرك فكرت هو ازاى بقى كده ؟!
دى شوية خطوات جوا تركيبة محمد صلاح وصلته للى هو فيه ده :-
1 – تحدى ذاتك واكتشف ما لديك:-
حاول تطلع احسن مافيك واعرف ان دايما فيه احسن من مستواك دلوقتى وانك مش اقل من ناس نجحوا كتير ,
2 – كن مثالا ايجابيا للأخرين :-
اعرف ان مهما كنت فاكر نفسك مهمش ومش متشاف , ان ممكن حد صغير او كبير شايف ناجح او شايف انك مثل اعلى ليه
ممكن يكون صديق ليك او اخ صغير او حد قريبك من بعيد , فحاول تكون قدوه حسنه عموما .
3 – متنساش تشجع الناس اللى حواليك :-
خليك سند للناس اللى حواليك علشان لما انت تقع هم هيكونوا سند ليك , وهتشوف دعمهم ليك لو انت وقعت وهيساعدوك تقوم
4 – كن مؤمناً بذاتك وقدراتك .
متخليش حد يحبطك , اعمل اللى انت عايزه واتأكد انك فى يوم هتوصل
5- اتعلم حاجه جديده كل يوم :-
منتهى الملل لو فكرت تعمل نفس الحاجه هى هى كل يوم
جدد حياتك وخلى ليومك معنى , لانك لو حسيت بملل مش هتكمل
6 – طور عقلك وخبراتك :-
الحقيقه ان احسن استثمار فى الاعالم واكثرهم اماناً , هو الاستثمار فى العقل
اعرف كتير عن نفسك وعن الناس اللى حواليك وطور مهاراتك دايما
7 – خليك واثق من نفسك :-
اعرف ان ربنا خلقلك عقل يحفظ معلومات مهوله , واعرف ان الناس اللى نجحوا قبلك مش ازيد منك فى حاجه
اعرف انك ممن تنجح لو اجتهدت شويه , واعمل اللى عليك وربنا مش هيضيع تعبك
8 – ابعد عن الشخصيات السلبيه :-
الايجابيين اللى حواليك هم اللى هيساعدوك تنجح ويحفزوك , هم اللى هيعلموك ويخلوك دايما فى القمه
ومفيش شخص سلبى ابداً هيساعدك تبقى حاجه , ودايما هيحبطك ويكرهك فى نفسك وفى حياتك
9 – اصبر
مفيش نجاح هيجيلك من يوم وليله , اسعى كتير واتعب كتير , واتأكد ان ربنا مش هيضيع تعبك ابداً
مهارات محمد صلاح:
دايما أي شخص ناجح لازم تلاقي عنده صفتين كده بيميزوه باستمرار وهما الاصرار والعزيمة.
خلي عندك دايماً اصرار وعزيمة وأكيد هتوصل لهدفك بكل سهولة