ازاى تخلى شخصيتك قوية ومحبوبة – مجتهد

بناء شخصية قوية

لو مبتعرفش ترفض لأى حد طلب , ومبتعرفش تقول لأ , يبقى المقالة دى علشانك :-

دى شوية خطوات هتساعدك تغير حياتك للأحسن , ويبقى ليك شخصية قوية ومستقلة , وأول الخطوات دى :-

1- حب نفسك

الحقيقه اللى بيخاف من كلام الناس واللى بيخاف يخسر الناس اوى احيانا بيخسر نفسه , حب غيرك , خاف على زعل غيرك , بس متجيش على نفسك ومتخسرش نفسك

2 – ثق بنفسك

مش هتقدر تخلى الناس تحترمك الا لو انت بتحترم نفسك وبتقدرها , انت مش اقل من الناس اللى نجحت , انت تقدر تنجح زيهم

وهتلاقى مقاله على موقعنا ( خطوات الثقه بالنفس ) , هتفيدك جدااااا

3- قول لأ

من أكتر الحاجات اللى تخلى شخصيتك ضعيفه انك مبتعرفش تقول لأ , ,ساعتها حقك بيضيع

4- الحس الفكاهى

صعب تكون حازم طول الوقت والا الناس هتحس انك كئيب ورخم , لازم تطور حسك الفكاهى علشان تقدر تدير المواقف لصالحك طول الوقت

5 – القدرة على قراءة الاخرين

مع الخبرة , بتعرف نوايا الاشخاص اللى قدامك وساعتها بتقدر تتصرف معاهم التصرف المناسب واللى بيديك منظر الشخصية القوية , اللى بتعرف تدير المواقف

6 – اهتم بمظهرك

بعيدا عن الناس اللى بتقولك الشخص بالجوهر مش بالمظهر , هم هم نفس الناس اللى بيحترموا الراجل الشيك ويبعدوا عن الشخص الغير مهندم

مظهرك الشيك هيديك جديه واحترام ووقار

7 – التمسك بالخلاق والمبادئ

لازم يكون عندك خط احمر واللى الناس مبتتعداهوش , واللى بيبن الجزء الحازم فى شخصيتك , اختار مبادئك وأمن بيها

8 – تأمل

دور جوا نفسك ليه الناس شايفين شخصيتك ضعيفة . احيانا بيكون من تصرف طفولى انت بتعمله وساعتها ممكن تقلل منه او تمحية من شخصيتك

او ممكن يكون من طريقة كلام , وساعتها ممكن نتدرب على نبرة صوت مختلفه

وبكده تكون معانا عرفت كيفية بناء شخصية قوية

اقرأ أيضاً:

• برنامج تعليم اللغة الانجليزية , و تحميل كورس zamericanenglish كورس الصوتيات – مجتهد
• ازاى تقدر تعمل كارير شيفت للوظيفة ألى بتحلم بيها – career shift فى طريق 11 خطوة !-مجتهد
• اهم 5 دورات تدريبية مجانية لازم تاخدوهم و انت فى الجامعة او حديثي التخرج – مجتهد
• موقع Coursera وكل التفاصيل الخاصة به, و إزاي تحصل علي كورسات مجانية اون لاين بشهادات معتمدة من كورسيرا ؟ – مجتهد