تعتبر مرحلة الانترفيو هي الامتحان الأول لبقائك فى العمل أو خروجك منه مع سماع عبارة “هنبقى نكلمك”، حيث تعد لحظة حاسمة يبنى عليها مصيرك المقبل، فيجب عليك استغلالها بالشكل الأمثل والاستعداد التام لاجتياز تلك المقابلة للحصول على الوظيفة التى كنت تعتقد أن الحصول عليها قد يكون مستحيلاً، لذا يجب التحضير والتركيز الجيد، واتباع النصائح التالية:
1- التخلص من مشاعر الرهبة والتوتر والخوف
تلك المشاعر تؤدون إلى فشل أى مقابلة عمل، عشان كده لازم تحافظ على هدوئك في الاعداد للإنترفيو
2- ملابس لائقة بـ إنترفيو
ودى من اهم الحاجات اللى لازم تخلى بالك منها، لان بيتحدد عليها الانطباع الاول، يعنى (للولاد بلاش طبعاااا شورتات وبنطلونات ملونه هو مش فرح
ونفس الكلام للبنات يعنى الالوان الفاقعه والميكياج الاوفر
يعنى يفضل كمان يكون لبسك يشبه ملابس الشركة ( اليونيفورم )
3- النوم
تنام كويس جداا قبل ميعاد الانترفيو علشان تكون في قمة تركيزك، ومتروحش تنام هناك فى المقابلة او تروح عليك نومه ومتروحش خالص
4- معرفة الشركة ( هااااام جداااا )
لازم تكون انت عارف انت رايح تعمل إنترفيو فى شركة ايه ؟
تعرف ( تاريخ الشركه – تخصصها – رئيسها مين ……) علشان يبان انك مهتم فى الشركة دى بالذات، وانك حد عندك معلومات كتيرة، وكمان ده بيدي ثقة بالنفس وانت بتتكلم.
ننصحك أيضاً بقراءة :-
13 من أخطر و أشهر اسئلة مقابلة شخصية واجوبتها – مجتهد
5 – مذاكر كويس
لازم تكون عارف اهم الأسئلة اللى بتتسأل عن مجالك كويس وإلا هيبان انك مش فاهم فى مجالك اصلا، وبلاش تجاوب على سؤال ب “معرفش” حاول تجاوب إجابة عامة حول الموضوع اللس اتسألت عنه من غير ماتبين أنك مش عارف الإجابة.
6- التدريب
لازم تتمرن على الانترفيو فى دماغك علشانت تقلل حدة التوتر الموجوده اثناء الانترفيو
وتتمرن كمان على الاسئلة اللى ممكن يسألهالك ال HR
7- لازم تكون عارف
- انك لو اترفض فإنت مترفضتش من الجنه
- زى ما الشركة بتعملك إنترفيو , انت كمان بتعملها إنترفيو , مش اى مكان والسلام
- هم محتاجينك زى مانت محتاجهم ( بس بلاش تكبر علشان فيه الف زيك )
8- خد بالك من وقت
لازم تروح الانتر فيو فى ميعادك بالظبط او قبليها , علشان هيبان انك مستهتر لو رحت متأخر، وحد مش ملتزم بالمواعيد، وده هيكون تاني انطباع بعد المظهر.
9 – ذاكر ال C.V بتاعك
مينفعش ال HR يسألك عن حاجه فى ال C.V بتاعك ومتعرفش تجاوب , ولو فيه معلومات اتغيرت , ياريت تروح نسخه معدله من ال C.V بتاعك بعد التعديل، وتضيف فيه كل الخبرات والكورسات اللي أخدتها.
إقرأ أيضا :-