الثقة بالنفس من أهم الحاجات اللى ممكن تحدد نجاحك أو فشلك فى حياتك , سواء حياتك العملية او الإجتماعيه
طب الثقه بالنفس صفه فطرية ولا مكتسبة ؟؟!
الثقة بالنفس هى صفه مكتسبة والأباء والامهات بيزرعوها فى أطفالهم من وهم صغيرين
طب إحنا نقدر نزود ثقتنا فى نفسنا ؟؟!
اينعم نقدر وبكام خطوه بس وأولهم :-
1- إقضى على نقاط ضعفك
واحد من ضمن اسباب عدم الثقه بالنفس هو نقط الضعف اللى فيك واللى بتضعف ثقتك بنفسك زى ال ( التهتهه واللعثمه ……..)
ودى لازم تقضى عليها تماما بإنك تروح لدكتور تخاطب .
2- زود نقاط القوه
نقط القوه اللى عندك هى اللى بتديك القوة انك تكمل وتواجه الناس وتقنعهم بيك
3- تحلى الشجاعه
اعرف انك لو غلط دى حاجه عاديه لانك انسان ولازم تغلط , وكل اما تغلط كتير هتتعلم كتير , وجرب كل حاجه فى الدنيا (( بس متبقاش حرام ))
4- اهتم بمظهرك جدااااا
المظهر بيقوى ثقتك بنفسك وهيديك هيبه قدام نفسك والناس اللى حواليك
5- قوى عقلك
الحقيقه لما تطور من عقلك ومعرفتك , ده بيشغلك اصلا عن موضوع الثقه بالنفس وحب العلم بيكسر جواك الخجل من طلب المعلومه والخجل من التعليم فى كل مكان
6- مارس هوايتك
مع عدم الثقه بالنفس بتتوتر وتتعب بسرعه , بس الهوايه بتديك راحه نفسية وكمان قدرة على تجميع شتات افكارك وتهدئة اعصابك
7 – اكسر حاجز الخوف
بداية عدم الثقه بالنفس هو الخوف من الفشل , او الخوف من التكلم قدام جمهور …… وما شابة اتخلص من الخوف ده
واحسن علاج للخوف ده هو مواجهة الخوف نفسه , ومحاولة السيطره عليه
8 – اقضى على السلبية فى حياتك
الافكار السلبيه زى ( انا مش هقدر – الناس هتضحك عليا – انا ضعيف …..) بتضعف عقلك وجسمك , وعقلك مع الوقت بيصدقها
9 – التأمل
التأمل بيوسع مداركك وبيديك الفرصه بعد التأمل عقل متفتح تفكر بيه فى حياتك وانجازاتك وقدراتك واختياراتك
10- دلع نفسك
كلم نفسك وطبطب عليها وحفزها واديها كلام ايجابى وعقلك هيصدقه لوحده
11- اختار اصدقاءك
الاصدقاء شئ مهم وممكن يطلعوا احسن ما فيك ويطوروك ويحفزوك , او يجيبوك الارض ويحبطوك
12- ابعد عن المقارنه
متقارنش نفسك بحد هتتعب جدااا , لان ببساطه ربنا خلقنا مختلفين لينا قدرات وصفات مختلفه
13- لغة الجسد
لو انت فضلت مبتسم فتره , العقل بيفرز هرومون الموروفين وبيحسسك بالسعاده , زيه بالظبط جسمك لو اديتلة وضعيات الثقه بالنفس
هيحسسك انك عندك ثقه بالنفس لا إراديا , زى ( الظهر المفرود , المنكبين للخلف , الذقن المروفعه …..)
14 – ممارسة الرياضه تزيد الثقة بالنفس
الجسم الممشوق والصحى بيديك رضا عن نفسك وهو اساس الثقه بالنفس , ده غير انه بيديك راحه نفسيه ملهاش حدود