ساعات كتير بتيجي رسايل من ربنا عن طريق كلام يخلينا نتأمل فى حياتنا و نشوف هل اللى احنا وصلنا الية دة كافى و لالا
و ساعات الرسايل دى بتخلينا نعرف ربنا عاوزنا نمشي انى طريق
تايسون كان واخد 7 نصايح دول فى حياتة و بتوجة حياتة و دول كانوا سبب فى ان يتقال ان هو فيسلسوف عظيم و حكيم
اسباب النجاح في الدراسة وفي الحياة بشكل عام:
1_ناس سيئون يعنى نتائج سيئة
كان بيقول انة لما بيدخل علاقة سيئة دايما بيخسر اموال و اصحاب و احترام النفس و الوقت
فى ناس وجودهم بيضيف قيمة و دول لازم نحافظ عليهم و الناس اللى بيسحبونا لتحت لازم يبقوا برا حياتنا
كتير بيكون الاصدقاء و الناس اللى حوالينا ليهم تأثير كبير علينا سواء ايجابى او سلبى
و ان احنا المتحكمين فى حياتنا و فى وجود ناس معينة او عدم وجودهم
2_انت كائن فضائي ليوم واحد فقط
بيقول كل يوم لما بيصحى من النوم و يفتح عينة كان بيسال هو مين ؟
كان شايف نفسة كائن فضائي جى لمهمة واحدة بس و هى تحسين حياة صاحب الجسد لليوم
معنى كدة انك مهما تعمل بيبقى ليك هدف و رسالة معينة لازم تبقى عارفها محدش اتخلق عبث عشان ربنا سبحانة و تعالى خلق كل واحد عشان يعمل رسالة عظيمة و هو بيبقى قادر على انة يؤدى الرسالة دى بالفعل
معنى كدة انك فيك مميزات تخليك مؤهل انك تعمل حاجات عظيمة بس كل الفكرة محتاج تكسب شوية مهارات تدعمها و و شوية اجتهاد و صبر مش اكتر
3_اختر نفسك
فى كل مرة تقول فيها نعم لامر لا تريد فعلة ستقوم بعمل سئ و سيكون لديك طاقة اقل للامور التى يمكن القيام بها بشكل رائع و ستستهلك طاقتك
انت المسئول الاول و الاخير عن حياتك و عن اللى تعملة او لا معنى انك تقوم باعمال انت مش محتاج او مش عاوز تقوم بيها لانها مش هتفيدك يبقى انت محتاج توقف حياتك و تفكر فيها
زى بالظبط اللى بيشتغل و يطلع طاقة فى شغل مع انة ممكن يطلع شغل رائع فى شغل تانى هو مميز فية بس مش قادر يرفض الشغل اللى هو فية لاى سبب من الاسباب
4_ الافكار هى عملة القرن
اكتب عشر افكار لتمرن عضلات الفكر و اتعلم دايما من كل حاجة تحصل و كل شخص تتحدث معة و كل ما تقرأة و تفعلة و امور تعملتها
بمعنى انك بعد فترة هتلاقى انك فاهم نفسك اكتر و بتتعلم اكتر عن حياة و عن الناس
5_ الافعال افضل من الكلمات و الافكار
كل فعل هو نتيجة لفعل حصل مش نتيجة لمجرد فكرة او مجرد كلمة و الافعال بس هى للى بتتسجل فى التاريخ الانسانى
طب يعنى تعمل اية ؟
ممكن تاخد كورس او تشتغل او اتعلم رياضة او اقرا كتاب او اعمل خير
6_ ساعد الناس
لو بتساعد نفسك بس هتحيا حياة صغيرة لكن لو ساعدت غيرك قيمتك فى الحياة هتكبر و هتعلى
المساعدة ممكن عن طريق نشر العلم او فك كرب او انك تدى نصيحة او تساعد فقراء او ايتام او تساعد مسنين او تطوع
7- قاعدة واحد فى المائة
حاول ان تصبح افضل و لو بواحد فى المائة فى الصحة الجسدية و النفسية و الابداع و الروحانية
هتسال هل دة مفيد هقولك جدا لان معظم الناس بيبقى تركيزهم كلة على ان هما يبقوا كويسين ك شغل او مستوى اجتماعى مع ان فى حاجات تانية كتير مهمة و هى اللى بتخلي الحياة فيها توازن و اكثر قيمة
Made by Mayar Mohamed