أصبح الانجليزي شئ ضروري فى حياتنا المهنية حاليا بسبب أنه اللغة الأساسية فى التعامل فى أي مهنة و مهم ايضا أنك تتمكن من اللغة عشان تقدر تدور على محتوي خاص بالمهنة بتاعتك لأن معروف ان المحتوي الأجنبي أفضل وأكتر مصداقية من المحتوي العربي
عشان كده احنا هنا فى المقالة هنقلكوا علي 3 طرق هتساعدك تحسن وتزود من مستواك فى اللغة مع الوقت :
1- أبتعد بقدر الأمكان عن القواعد و مارس اللغة :
أهم حاجة فى اللغة هو الممارسة و أنك تمارس اللغة ده بيتم بكذا طريقة كمثال قراية كتب أو قصص صغيرة بالانجليزي أو مقالات بالانجليزي لاما بالاستماع المستمر لمتحدثين أجانب فى فديوهات او أفلام او غيره
والأفضل بكل تأكيد هو أنك تحاول تتكلم بالانجليزي حتي لو مع نفسك حاول تعود عقلك على التفكير فى اللغة بشكل مباشر بدون تفكير و ده بيجي مع الوقت والممارسة المستمرة للغة.
و ده ملف فيه اكثر الجمل الشائعة والاكثر استخداما فى اللغة : https://goo.gl/VwCpuz
2- زود من حصيلة الكلمات عندك :
الزيادة من حصيلة الكلمات هتساعدك بقوة أنك تمارس اللغة بشكل أقوي ودايما حاول مش بس تحفظ كلمات ومعناها و خلاص
لا حاول دايما تحط الكلمات الي عرفتها فى عبارات مختلفة لان ده هيساعدك في ثبات الكلمة معاك وايضا انك تقر تكون جمل بشكل مستمر و جه بالتأكيد هيزيد من مستواك فى اللغة
ده ملف فيه اكثر الكلمات استخداما فى اللغة اكثر من 2264 كلمة : https://goo.gl/H6HpTm
و لو كتير عليك ال 2000 كلمة ده ملف لاهم 1000 كلمة والاكثر انتشارا فى اللغة : https://goo.gl/1tctV7
أعمل لنفسك كشكول خاص بيك و زود فيه حصيلة كلمات جديدة كل فترة مع الوقت هتلاقي مستواك أختلف تماما فى اللغة.
3- استمع كثيرا :
اللغة الانجليزي بتتكون من أربع مكونات أساسية و ده مش الانجليزي فقط لا اي لغة بشكل عام و هما التكلم و الاستماع و القراءة والكتابة ..
من أصعب المهارات دي هو مهارة الاستماع و ربما يجد البعض ان الأصعب هو التحدث و لكن بشكل عام فى حالة أنك قدرت تطور نفسك فى مهارة منهم بالضرورة التانية هتتطور ولكن لأن ممكن وانت بتتحدث تتحدث غلط او تنطق بشكل مش صحيح فيفضل أنك تمارس الاستماع علي كتير من الفديوهات الانجليزية او الأفلام و غيره من المصادر الي هتساعدك أنك تمارس مهارة الأستماع بشكل جيد وباستمرار