لماذا أحدد هدفى فى الحياة ؟؟! – مجتهد

لماذا أحدد هدفى فى الحياة ؟؟! – مجتهد

لماذا أحدد هدفى فى الحياة لأن الهدف هو ( الغاية أو النفطه التي أريد أن تصل إليها فى حياتك ) ولكن  هل عمرك فكرت  وسألت نفسك لماذا احدد هدفى فى حين أنني من الممكن أن أعيش اليوم بيومه ؟؟!

ربنا – سبحانه وتعالى – عندما خلق الكون الكون خلقة لهدف , ولما خلق الإنسان خلقة لهدف

لماذا أحدد هدفى فى الحياة ؟

انت ضمن خطه كبيرة وضمن عالم كبير جدااااااا وانت صغير جدا بالنسبة له

تحديد الهدف , هو اللى بيحدد اذا كان تأثيرك فى الكون كبير أو صغير , ودورك فى المجتمع واضح ومتشاف ولا مهمش

  • تحديد الهدف كمان هيخلى حياتك منظمة وهيقلل الهرجلة فى حياتك
  • هيخلى لحياتك معنى وحافز وطريق انت عايز تكملة
  • يحسسك انك عايش وإن ليك قيمة
  • ولو وصلت لهدفك , هتحس بلذة النجاح والإنتصار

تحديد الأهداف من اكبر الأسباب لحياة متوازنة وسعيدة

ما هي مواصفات الهدف التي ينبغي وضعها في الحياة ؟؟!

الهدف بتاعك لازماً ولابد يكون SMART  يعنى  :-

( specific  ( S  – محدد

يعنى تختار هدف بعينة , يعنى بلاش تقول (( انا عايز ابقى احسن واحد فى الدنيا ))

لازم تحدد انت عايز تبقى احسن واحد فى ايه بالظبط !! , وفى مجال اية وفى تخصص اية ؟!

( Measurable  ( M – قابل للقياس

حاول يكون الهدف قابل للقياس يعنى ( ساعتها الهدف هيتحقق لو وصلت لإية بالظبط فى المجال بتاعك , او اخترعت وتوصلت لإية )

( achievable  ( A – قابل للتحقيق

يعنى متقولش انا عايز اصنع دواء – يعالج كل الأمراض فى حباية واحده مثلا – لأن كل مرض لية تكوين مختلف ولية علاج مخلف – مفيش علاج هيبقى لكل الأمراض مع بعض

( RELEVANT  ( R – مرتبط ومهم ليك

يعنى متقولش هدفى اصنع طيارة بسرعة الضوء وانت اصلاً مجالك التسويق او المبيعات !! – ركز

( Timely  ( T – محدد بوقت

يعنى لازم تكون حاطط جدول زمنى مهما كان حجمه – زى انك هتوصل للهدف ده على نهاية السنة الجارية – او بعد سنتين فى يوم كذا..!!

ده كلام جميل

ولكن كيفية تحديد الهدف أو الآلية التي يمكن بها؟!

دى شوية استراتيجيات علشان تبدأ تحط خطة وتحدد هدفك بالظبط :-

1 – اكتب اهدافك

اكتب كل الأهداف التي تريدها وغالبًا ما تكون أهداف كثيرة ومتشعبة.

2 – اختار أهم هدف

اختار أهم هدف , وممكن ده يكون الهدف البداية اللى هيوصلك لبقيت اهدافك , وهو اللى بيخلى لحياتك معنى , وهو ده اكتر حاجه انت عايزها فى حياتك

3 – اتأكد ان الهدف SMART

وده اللى شرحناه فى المقالة فوق بالتفصيل

4 – قسم الهدف

الهدف مهما كان محدد ليه خطوات كتير , يعنى لو قررت انك تشتغل فى مجال معين , لازم تتعلم اكتر من حاجه علشان تبدأ فيه

وهنا ابدأ قسم المجال ده , لمجموعة الحاجات اللى انت محتاج تتعلمها وحط لكل حاجه منهم وقت زمنى معين

5 – اكتب أسباب الهدف

اكتب انت عايز تعمل الهدف ده لية وايه اهميتة فى حساتك وشغلك

وكتابة الهدف هتخليك تقتنع بالهدف جدا بالهدف ده وتسعى لتحقيقه  , وتخليك كمان مقتنع بيه

6  – ابدأ دلوقتى

بعد اما تعمل الخطة إوعى تأجلها لأول الشهر او بكره , إبدأ فيها حالا قبل اما تكسل

7 – قيم النتائج

كل فترة ولتكن اسبوع اقف وابدأ قيم انت وصلت لإية وهل انت كده ماشى صح ولا محتاج نغير اتجاهك

شوية نصائح تخلى بالك منها :-

1- خليك سفنجة

( اتعلم كتير وإقرأ كتير وشوف كورسات كتير )

والحقيقة ال MOOCS مخلتش حاجه الا وعملتلها كورس فهتلاقى فى مجالك كورسات كتير

2- خليك نحلة

اتنطط كتير وروح فى كل حته ممكن تتعلم منها او ممكن تستفاد منها

3 – اصبر

انت مش هتتعلم من يوم وليلة , هتقف كتير فى طريقك وهتلاقى مشاكل كتير جدا جدا جدا , اوعى تقف

4- استعن بالله

انوى النية التعليم ده والهدف ده لله واطلب من ربنا انه يعينك ويقويك

5 – استعين بأشخاص فى نفس المجال بتاعك علشان دول من اكتر الناس اللى هيفيدوك فى مجالك

الزوار شاهدوا أيضًا:

1 – أفضل 5 فيديوهات فى العالم فى تعليم الحروف الانجليزية 2019 – مجتهد

2 – أفضل برنامج تعليم اللغة الانجليزية للجميع English For All – مجتهد

3 – أفضل وأهم 9 طرق فى تعلم الانجليزية للمبتدئين – مجتهد

4 – الملخص المفيد فى تعلم الانجليزية حتى الاحتراف مجانا – مجتهد

وأخيراً، شكرا لكم لقراءة المقال حتى النهاية، يمكنك قراءة المزيد من المقالات من كورسات مجانية من هنا.. مقدمة لكم من أكاديمية مجتهد

2086 مشاهدة