النجاح في الشغل
ساعات كتير بنبقى مش عارفين اية المبادئ اللى نمشي عليها فى شغلنا او اية الصح فى وسط حاجات كتير قدامنا
هنا عشر نصايح لو بقوا مبادئ فى اى شغل تشتغلة حياتك المهنية هتطور بسرعة على المستوى الشخصي و هتترقي
1_الثقة فى النقس
دى اهم حاجة انك واثق انك مميز و انك بتعرف تعمل شغلك بطريقة بتميزك عن غيرك و عندك طريقة فكر مختلفة و دايما فكر نفسك ب انجازاتك و افكارك اللى كانت بتساهم فى نجاح اى حاجة انت فيها
2_حل المشاكل
خليك انت اللى بتساهم فى حل المشكلات اى ان اى مشكلة فى المؤسسة اقترح حل و لو واحد لرئيسك المباشر يساهم فى حل المشكلة
احسن فرصة تثبت فيها نفسك و قدراتك هى المشاكل او الازمات لانها اكتر وقت هيبان فية انت ازاى متميز و عندك قدرات و مهارات مش عند اى موظف
3_ انت المسئول عن تطوير نفسك
بلاش تقعد فى مكان مش هيطورك و لو 1% دايما روح مكان تضيف قيمة و يضيفلك
و فى النهاية انت المستفيد من التطوير الذاتى و اهتم انك تكسب مهارات و خبرات بشكل مستمر
افتكر ان اللى مبيتغيرش بيموت
4_اعرف اللى بيجرى حولك
مينفعش ان تكون دائما على مكتبك ف لازم تعرف اللى بتمر بية الشركة من ازمات و ازاى بيتصرف المديرون و تتعلم من خبراتهم و لو فشلوا اتعلم اللى اتعلموة
لكن متحشرش نفسك فى امور متهمكش
5_ اسال عن تقييم لنفسك بشكل مستمر
دايما اسال مديرك عن مستوى ادائك فى كل فترة معينة و محتاج اية للتطوير
6_ الانضباط فى المواعيد
اهتم دايما انك تروح فى معادك و لا متتاخرش بمعنى خليك موجود فى مكان الشغل قبل بدء العمل ب خمس دقائق
و روح شغلك و كلك حيوية و نشاط و خليك مصدر للتفاؤل و الطموح
7_ الاصدقاء
اهتم انك تصاحب اصحاب كويسين و لبهم خطط فى حياتهم و بيسعوا اليها
ابعد عناللى بيهتموا بس بالكلام على غيرهم و مبيقدموش اى اسهامات
8_خد وقت من الراحة
مينفعش تشتغل لساعات متواصلة لازم تاخذ راحة عشان تجديد نشاطك
ممكن تشرب قهوة و تسترح شوية
9_ اهتم بملابسك
لازم تهتم بشكلك و ان مظهرك بيعكس شخصيتك و طريقة تفكيرك
فلازم تهتم ان تكون ملابسك منظمة و مناسبة
10_ قلل من الكلام فى التليفون الشخصى
يفضل تسيبة خالص و تهتم بشغلك فى وقت الشغل
و لكن ممكن تشوفة فى اوقات الراحة بس اعرف امتى ممكن تتكلم فى تليفونك الشخصى
و ممكن دة فى الاستراحات بس ودي أسرار النجاح في الشغل
Made by Mayar Mohamed