الشغل من المنزل فى بعض الناس عندهم افكار كويسة جدا
بس للاسف مبيعرفوش يعبروا عن الافكار دى بشكل جذاب ان يخلى القارئ يكمل قراية باقى المعلومة على الرغم ان ممكن جدا تكون المعلومة فعلا قيمة و محتاجها ناس كتير جدا
طب هو فية حل للمشكلة دى ؟ اة طبعا فية هقولك على شوية نصايح تعملها و هتقدر بعدها تنمى مهارة كتابة المحتوى
1_ التخطيط
كتابة المحتوى بتطلب منك تخطيط…. مرحلة التخطيط دى من اهم المراحل اللى ممكن تقابلها و فيها بتخطط :
_ اية اكتر المواضيع اللى بيتكلم عنها الناس فى الفئة اللى انت بتستهدفها او اية المواضيع العامة اللى بتفيد كل الفئات و محتاجنها
_ لازم تهتم انك لو هتكتب عن مشكلة مثلا انك تعرض حلول للمشكلة دى و خطوة ب خطوة و بطريقة مبسطة و سهلة
_ لو انت عارف معلومة قيمة لازم تناقش فى المقال احنا لية هنستخدم حاجة انت بتدعوا ليها و اية اهميتها و هتفيد القارئ فى اية
2_ العنوان
_ من اهم المراحل لان هو اللى بيجذب القارئ انة يقرا و يكمل و يدخل و هو عندة حماس انة يخلص الموضوع بل هيشارك المقال كمان و لازم ميعدين عدد الكلمات عن 13 لان زيادة عن كدة ممكن يكون نسبة الجذب اقل و الحفاظ انك تقدم معلومة جديدة
طب هو فى طريقة تقييم عنوانى ؟
هقولك اة طبعا شوف الموقع دة هيحلل قوة العنوان و قدرتة على الجذب
3_ القراءة
دايما الكتاب العظماء عمرهم ما بيكتبوا كتب عظيمة غير لما يقروا كم كبير جدا من الكتب يخليهم على ثقافة و علم انهم يقدموا محتوى يجمع ما بين كل اللى اتعلموة على اللى ممكن يضيفوة من ارائهم زى عباس العقاد
و لازم تبقى عادى يومية ليك كل يوم انك تقرا فى المجال اللى بتكتب فية و تعرف احدث الاخبار و تقرا تاريخة
هتقولى هى مهمة للدرجة ؟
هقولك جدا شوف يا سيدي هتخليك تحسن من اسلوب كتابتك و عندك كلمات جديدة و تعبيرات افضل و تعرف اللي بيحصل حول العالم و توسع افقك و تفكر بطريقة افضل و الاهم انك هتبقى مبدع من غير ما تحس
هتقولى انا ممكن مفيش وقت اقرا هقولك بسيطة ممكن فى المواصلات ممكن قبل ما تنام ممكن وقت الفراغ ممكن تقلل من وقت استخدام الانترنت غير لو هتقرا من على النت كتاب
طب لو مبتحبش تقرا و بتحب تسمع انا هقولك على مواقع بيقرالك الكتاب
اقرا لى
audiobooks
طيب عشان نساعدك اكتر شوف دول
موقع Scribd : علية بحوت و كتب قيمة كتير جدا و تقدر تحملهم و تقرا زى ما تحب
تطبيق curiosity: هتختار البلد اللى انت فيها و لغتك و هيجيلك مقالات ب احدث الاخبار
3_ السعى للمعرفة (الشغل من المنزل)
عشان تكتب محتوى قوى محتاج تدعم المحتوى دة ب مقالات اخرى تؤكد صحة كلامك
او اى مساعدات اخرى تساعدك توصل المعلومة بالشكل اللى انت مخطط انة يحصل
المحتوى محتاج منك البحث الدائم فى كل ما يدعم مقالك و هيفيدك انك هتزود معلوماتك و هتتعلم حاجات جديدة و هيبقى عندك مهارة البحث اللى هى اساس من اساسيات كتابة المحتوى
هتقولى طب هى مهارة البحث اكسبها ازاى ؟
_استخدم الانترنت بس خليك زكى فى استخدامة يعنى استخدم كلمة عامة عن الموضع
مثلا انت عاوز تكلم عن اهمية القراءة ف اكتب فى البحث كلمة قراءة فقط و هيجيلك اكتر مما تحتاج
_استخدم البحث المتقدم فى جوجل
_استخدم اكتر من محرك بحث ممكن الانترنت و الكتب و انك تسال مختصين
4_ اكتب فى اللى انت عارفة ا( الشغل من المنزل)
يعنى اكتب عن المجال اللى انت فاهم فية و عارف تفاصيلة و تعرف تقنع القارئ بدلائل كتير عن موضوع انت معلومات بسيطة ف انت مش هتقدر تقدم معلومات جديدة و لا فيها دلائل كفاية غير بعد وقت طويل
5_ اسال نفسك بعد ما تخلص المقال هل المقال دة بيقدم قيمة فعلا ؟ طب هل تقدر تحسن منة او تضيف حاجات مهمة ؟ طب هل فى حاجات محتاجة تتشال ؟
6_ اخذ الرأى :
خد راى غيرك قبل نشر المقال ف ربما يكون له وظهة نظر سليمة او معلومة مقولتهاش و كانت مهمة و هتقوى المقال و اهتم ب ردود فعل الناس لان ممكن يكون فكرة لمقال جديد ليك او فرصة لتحسين نفسك
7_ الكورسات (:الشغل من المنزل وازاي تبقي كاتب محتوي قوي)
لازم تهتم انك تاخد كورسات فى كتابة المحتوى عشان تزود معلوماتك و تفهم ازاى الكتابة
The Strategy of Content Marketing
Viral Marketing and How to Craft Contagious Content
Creative Writing: The Craft of Plot
Creative Writing: The Craft of Character
Creative Writing: The Craft of Setting and Description
Creative Writing: The Craft of Style
Content Strategy for Professionals: Engaging Audiences
Content Strategy for Professionals: Managing Content
Content Strategy for Professionals: Expanding Your Content’s Reach
Content Strategy for Professionals: Ensuring Your Content’s Impact
إقرأ أيضاً :
كورس الانجليزي محادثة من البداية للاحتراف في 3 ساعات علي موقع Udemy مجانا – مجتهد
الثقة بالنفس ومهارات التحدث امام الجمهور وابرز الاسرار لاكتسابها وكورس مجاني لك من مجتهد
كل كورسات موقع كورسيرا coursera مجانا للطلاب بعد انتشار فيرس الكورونا
وأخيراً، شكرا لكم لقراءة المقال حتى النهاية،
يمكنك قراءة المزيد من المقالات من عالم الكمبيوتر من هنا.. مقدمة لكم من أكاديمية مجتهد.