اكاديمية مجتهد 13 مهارة لازم تتعلمهم علشان تنافس فى سوق العمل

افضل مهارات في العالم

محتويات المقالة

سوق العمل دلوقتى مش اى حد يقدر ينافس فيه , وفيه بدل المتقدم للوظيفة 1000

طب اية اللى يفرقك عن الناس التانية ؟؟!

اقولك انا , المهارات والمعرفة الزيادة , ودول اهم 13 مهارة لازم تتعلمهم علشان تنافس فى سوق العمل :-

1 – انك تكون متعلم ذاتى

وده انك تكون مش منتظر حد يعلمك اى حاجه انت بتقدر تعلم نفسك بنفسك

2 – متعدد القدرات

مش اللى بيبقى متخصص فى حاجه واحده بس , ولكن انك تكون بتفهم فى مجالين على الأقل , واللى صاحب الشغل بيشوفها انه بيوفر

3 – مدرب ذاتى

بتحفز نفسك بنفسك , بتشتغل على نقط ضعفك , بتقوى نقط قوتك

4 – عندك وعى ذاتى

تبقى عارف انت مين , وعايز ايه , وهدفك فين , وهتوصلة ازاى ؟!

عارف نفسك كويس , عارف نقط ضعفك ونقط قوتك وازاى تستغلها

5 – عندك وعى عام

تبقى عارف السوق اللى انت فيه طالب مؤهلات ومهارات ايه

وكمان تبقى عارف الشركة اللى رايحها محتاجه ايه , وايه بيئة العمل اللى عتشتغل فيها , واية متطلباتها

6 – تسويق شخصى ( هام جداااا )

ممكن تكون محترف فى مجالك جداااا وعندك معلومات كتير , بس الناس مش شايفينك

هنا بيجى دور التسويق الشخصى وانك تخلى الناس اللى فى الشركات او الناس عموما تشوفك وتعرف انك محترف وماهر فى شغلك

7 – الاحترافيه

وده بيبدأ من اول ال C.V بتاعك , وبتفصل حياتك الشخصية عن العملية , Formal فى كلامك وتعرف تكسب اللى حواليك , وملتزم بوقتك وتاسكاتك

8 – اعرف لغات

اللغه العربية مبقتش كافيه , حتى لو بتعرف عربى وانجليزى دلوقتى مبقاش كفاية على سوق العمل , وكل ما تعرف لغات اكتر كل اما وزنك فى السوق يكبر

9 – التفكير النقدى

ودى بقى من اهم المهارات الى لازم تكتسبها , والمقصود بيها انك تكون بتحلل المواقف صح , وبتعرف تتنبأ بالمستقبل بناء على الماضى والحاضر , وانك تكون شخص ذو رؤيه

10 – الذكاء العاطفى

وهو 4 مراحل ( اعرف انت مين – سيطر على مشاعرك – ازاى تقرأ مشاعر الأخرين – ازاى تتواصل مع الأخرين )

11 – احترف التكنولوجيا

مينفعش تكون مقدم على اى شغلانه وانت مش بتعرف تشتغل على برامج الاوفيس او ICDL

, وده دلوقتى بقى سهل نظرا للكورسات الكتيرة اونلاين , بس انت بطل كسل ووانت هتكون برنس

12- عندك مسؤولية اجتماعيه

مينفعش تكون بتهتم بنفسك بس , لازم تأثر فى المجتمع بأفكارك وعلمك , وده هيفيدك اولا قبل اما يفيد الناس اللى حواليك

13- المرونه والتكيف

اعرف ان التغير هو سنة الحياة , واللى بيفضل واقف مكانه عمرة ما هيوصل لمكان , طور من نفسك دايما ومن المعلومات والبرامج اللى تعرفها , وغير نفسك بما يتوافق مع سوق العمل

بالتوفيق

#عافر+اصبر