فى طريقك فى تعلم أى لغة فى العالم خصوصاً الانجليزى بتقابلك مشاكل كتير , بتجبرك انك تاخد وقت اطول فى تعلم اللغة دى
وكمان بيوصل بيك الحال انك بتتعلم غلط , ومخارج حروفك تبقى بايظه
علشان كده دى نصائح تخلى بالك منها جدااا وانت بتتعلم اى لغة وهى :-
1 – متتعلمش الكلمات !
يعنى لما تبدأ تحفظ اى كلمة , متحفظش الكلمة لوحدها وبس , احفظ الكلمة جوا جملة علشان متنسهاش ابداً , وكمان تتعود عليها
2 – اوعى تتعلم اللغة من شخص هى مش لغتة الأم
ساعتها هتتعلم مخارج الحروف غلط , وهتفضل طول عمرك تتكلم بلهجة مش زى اهل اللغة
3- متستعجللش
والله انت مش هتتعلم اللغة من يوم وليلة , خد وقتك اوى , واتعلم بشكل مستمر
4 – اسمع كتير اوى
الطفل لما بيتولد اول مهارة بيكتسبها هى مهارة , الإستماع , وبعدين بيتكلم وبعدين يقرأ ويكتب
علشان كده خلى دايما فى بالك ان اللغة استماع
5 – اقرأ
ولأن برضه اللغة كلمات , ف ـ اقرأكتير فى اللغة اللى بتتعلمها علشان تكسب اكبر كمية من الكلمات الجديده
6 – متفكرش بالعربى
حاول دايما تفكر باللغة اللى بتتعلمها علشان لو فكرت بلغتك الأم , اكنك معملتش حاجه يا ريس
7 – متكتفيش بالتعلم فى البيت
اهم حاجه فى اللغة خصوصا علاشن تتعلم تتكلم وتسمع هو الممارسة , حاول تصاحب اشخاص من اهل اللغة علشان تتمرن معاهم , او على الأقل ردد وراهم اللى بيقولوه
8 – انك بتكون بتتكسف تغلط
لو مغلطش وانت بتتعلم هتغلط امتى ؟؟!
اغلط كتير وكل اما تغلط هتتعلم اكتر واسرع
9 – المقارنة
اوعى تقارن نفسك بحد متعلم قبليك بكتير وتحبط , او تقارن نفسك بالأجانب وتفتكر انك هتعرف تتكلم زيهم
بعنى ان الاجانب نفسهم عندهم لهجات كتيرة , زى العربى فى مصر , لهجة الصعايدة مش زى الإسكندرناية مش زى القهراوية وهكذا …..