كتير مننا بيبقى نفسه ينمى نفسة و يبقى احسن بس مش عارف ازاى
و كتير مننا مش عارفين طب هو التنمية دى بتبقى ازاى او بيحصل اية
هنا هقولك على افضل الطرق لتنمية نفسك
اساليب التطوير الذاتي :
1_ اتعلم لغة جديدة و اهم لغة حاليا الانجلش لانها من ضمن اللغات العالمية و حاول لما تبدا تتعلم لغة جديدة تبقى صبور و تتعلمها على 4 مستويات التحدث و القراءة و الاستماع و التكلم
2_لازم تهتم بصحتك عن طريق عمل رياضة كل يوم او مشي او جرى لمدة نص ساعة الصبح و لازم تهتم بوجبة الفطار و تاكل اكل صحى
3_ هات ورقة و قلم و اكتب نقاط قوتك و اعرف نقاط ضعفك و حط خطة ازاى تشتغل على نقاط ضعفك دى على مدار فترة معينة و اللى المفروض توصل الية بعد الفترة دى
4_ القراية مهمة جدا اقرا عدد صفحات معينة كل يوم بس خليها عادة و ممكن تقرا فى المواصلات و اقرا فى كل المجالات اللى ممكن توسع مدارك عقلك و تفتح دماغك على اراء و افكار جديدة و مختلفة
5_ اصحى كل يوم بدرى و ابدا يومك بالصلاة و افطر كويس جدا و فطار صحى و تبدا تعمل to do list
6_ مش عيب انك تسال غيرك و تتعلم و الكسوف او المكابرة فى السؤال من اكبر الغلطات اللى ممكن تندم عليها
و من النصائح المهمة ان لازم ليك mentor فى ال career اللى هتختارة عشان ينصحك تعمل اية و تبعد عن اية
7_ لو عندك عادة سيئة معينة لازم تبدا تقللها و بالتدريج تتخلص منها
8_ خلى حواليك ناس ايجابية و ناس عاوزة تتعلم و تنمى نفسها و عندها حلول و صبر وعزيمة انهم يبقوا حاجة و ابعد عن الناس اللى دايما محبطة و بتكلم عن مشاكل و ان مفيش حلول
9_اتعلم تبقى شخص مرن و ان كل اللى فى عقلك, معدا اللى اتقال علية فى الاديان السماوية , ممكن يتغير
لازم تتعلم تشوف افكار جديدة و اراء تانية ممكن احسن من رايك و بعد فترة الافكار دية بتكون عقلية بتقدر تنتج افكار افضل و احسن
10_ لازم تبقى عارف ان كل حد فينا مميز ب حاجة معينة و كلنا واخدين نفس ال 24 قيراط بس الفكرة كل واحد لما خد النعم دى عمل اية
بمعنى ان فى ناس اهتمت بالنعم دى و حافظت عليها و طورتها و ناس تانية اهملت نفسها لحد ما هما نسيوا ان هما فعلا مميزين
11_اهتم انك تكافئ نفسك على كل انجاز تعملة و توصل الية حتى لو نجاح فى طريق طويل ممكن ياخد سنة او خمس سنين
12_ الصبر… الصبر … الصبر من اهم الصفات عشان توصل للنجاح و للى انت عاوزة مفيش حاجة بتيجي فى يوم و ليلة بس فى حاجات بتحصل هتأدى لحاجات تانية
13_ اهتم انك تكسب مهارات زى مهارة التحدث امام الجمهور و مهارات الكمبيوتر و ادارة الوقت و غيرهم
14_ اهتم انك تنزل تدريبات عشان تعرف سوق العمل حواليك ماشي ازاى و بيتطلب اية منك ، وكده نكون خلصنا اساليب التطوير الذاتي
Made by Mayar Mohamed