مبدأياً هتلاقى مليون مصدر لـ تعلم الالمانية , منهم الأجنبى ومنهم العربى , بس مش سهل تتعلم ألمانى وتتقنه فى مدة قليلة وبسرعة .?
ومن الأخطاء اللى الناس بتعملها إنها بتهتم بجزء القراءة والكتابة وتهمل جزئى السمع والتكلم وعلشان كده مخصوص علمنالك المقالة دى علشان تبدأ تتعلم ألمانى صح ! .✋
.
أولاً :- اللغة الألمانية مكونة من إيه ؟! ?
خبراء التعليم والتدريب وضحوا إن اللغة الألمانية أو أى لغة تانية فى العالم مكونة من 4 مهارات أساسية بالترتيب وهم :-
1 – السمع .?
2 – التكلم .?
3 – القراءة . ?
4 – الكتابة .✍
– يعنى الطفل الألمانى أول أما بيتولد , أول مهارة بيتعلمها فى اللغة الألمانية هى مهارة السمع وبيبدأ يسمع من أهلة .?
– وبعدين بتيجى مهارة التكلم , لما يبدأ يقول ماما , وبابا .
– وبعدين بابا وماما ,??? يبدأوا يعلموه القراءة عن طريق القصص باللغة الألمانية .
– وأخيرا بيبدأ يروح المدرسة الألمانية ويبدأ فيها يتعلم الكتابة .
– وهو ده افضل طريقة لتعليم اللغة الألمانية اللى لازم تمشى فيه علشان تتعلم وتتقن اللغة الألمانية صح !
.
ثانيا : – مصادر تعلم الالمانية ?
لأن اللغة الألمانية مختلفة تماما عن اللغة العربية فى النطق والكتابة , فبينصح الخبراء فى تعلم أى لغة جديدة إنك تتعلمها من أهل اللغة نفسهم و مجتهد وفرت عليك الموضوع ده أوى وعملتلك :-
أفضل 12 مصدر لتعلم اللغة الألمانية ?
وهتلاقى من ضمن المصادر أفضل القنوات الألمانية لتعليم اللغة الألمانية
وهتلاقى برضه أفضل القنوات العربية لتعليم اللغة الألمانية
.
ثالثاً :- أهم مهارة هى الإستماع . ?
إسمع كتير أوى هتتعلم كتير أوى , وإوعى تحبط إنك مش فاهم حاجه أو إن الموضوع فى الأول صعب عليك , أى حاجه فى الدنيا علشان تتعلمها محتاجة وقت ومجهود .
وتقدر تتدرب على الإستماع من خلال الدروس والمصادر اللى رشحنهالك , أو عن طريق مشاهدة الأفلام ? باللغة الألمانية بدل من اللغة الإنجليزية , والسماع للأغانى باللغة الألمانية بدلا من اللغة الإنجليزية .
.
رابعاً :- ممارسة اللغة الألمانية .??
ممارسة اللغة الألمانية مع حد من أهل اللغة أو متقنيها من أهم العوامل علشان ععلم صح وفى وقت أقل .
وهتلاقى فى مجتهد وأكتر من مكان تانى , مواقع ممارسة اللغة الألمانية مع متعلمين للغة , أوأهل اللغة نفسهم ?? اللى محتاجين يتعلموا لغتك وهنا الموضوع بيكون تبادل معرفة
.
خامساً : – الصبر ?
إتفقنا إن تعلم أى لغة منهم , تعلم الالمانية بيحتاج وقت كبير ومجهود , فلازم تصبر , ومتوسط الوقت تقريبا لتعلم معظم اللغات بياخد حوالى 6 شهور منك , ولإتقان اللغة بيحتاج 12 شهر كاملين .?
.
سادساً : – التمرين اليومى للغة الألمانيه ?
غلط جداااااا , إنك فى تعلم اللغة الألمانية أو أى لغة إنك تتعلم يوم أو يومين بس فى الإسبوع
حاول دايما كل يوم تعرف حاجه جديده فى اللغة الألمانية , ولو معندكش وقت تقدر تحتفظ ببعض الفيديوهات والأغانى والأفلام باللغة الألمانية على موبايلك , ? وتسمعهم من وقت للتانى .
.
سابعاً : – التغلب على الخوف من النطق باللغة الألمانية ?
وده من أخطر العيوب اللى ممكن تخليك متتعلمش أى حاجه فى حياتك وهو إنك تبقى خايف تجرب تتكلم باللغة الألمانية علشان ممكن تغلط أو تقول كلمات غلط
دايما إعرف إنك علشان تتعلم كتير لازم تغلط كتير .✋
.
إبدأ من دلوقتى فى أى مصدر يعجبك من ال أفضل 12 مصدر لتعلم اللغة الألمانية ومتأجلش أبداً لبكرة .
إزاى أبدأ تعلم الالمانية صح من الصفر للإحتراف !؟ – مجتهد
![إزاى أبدأ تعلم الالمانية صح من الصفر للإحتراف !؟ – مجتهد](https://mogtahed.com/wp-content/uploads/2019/03/ألمانيا.jpg 570w, https://mogtahed.com/wp-content/uploads/2019/03/ألمانيا-300x179.jpg 300w)
5732 مشاهدة