ملخص كتاب ازاي ممكن تبقى غني (أتقن اللعبة) للكاتب

ملخص كتاب ازاي ممكن تبقى غني (أتقن اللعبة) للكاتب، بمنتهى الصراحة مفيش حد مش بيدور على الفلوس ولو احنا مش بندور على الفلوس يبقى مكناش تعبنا ولا اشتغلنا ولا طورنا من نفسنا، فكرة انك تكون بتدور على الفلوس علشان تحافظ على حياتك عند الحد اللي انت فيه او حتى عشان تطور من حياتك دي مش فكرة وحشة خالص.

الوحش هو أن دايما تفكيرك يكون منحصر على انك بتدور على فلوس، الوحش هو أنك تضيع عمرك ووقتك وحياتك وأنت في دماغك حاجة واحدة بس وهي انك تجمع الفلوس.

طيب لما نيجي بقى لكتب التنمية الذاتية اللي احنا بنحبها وتيجي نبص هل فيه كتب فعلا بتقولك ازاي يكون معاك فلوس اكتر. طيب هل الكتب دي معتمدة يعني هل الكتب دي لو انا أخدت الحاجات اللي فيها وطبقتها انا ممكن فعلا يكون عندي فلوس.

الحقيقة بيل جيتس اتكلم اكتر عن الكتب اللي أثرت فيه قالت أن من ضمنهم كتاب اسمه فكر تصبح غني. الكتاب ده كان بيكلمنا عن فكرة ازاي تكون غني. والكتاب ده اخدناه قبل كده مع بعض في مكتبة الزيتونه طيب معنى كده الكلام الموجود جوا الكتب

دي فعلا ممكن يأثر جوانا وممكن يغير من حياتنا وممكن يخلينا اغنيا او ممكن يخلينا معانا فلوس تكفينا أن احنا نطلع لمستوى اكبر من اللي احنا فيه الكتاب ده معانا النهارده هيقول لك ازاي تكون غني ومش بس تكون غني لأ الكتاب ده هيقول لك ازاي تحقق الحرية المالية لو عاوز تعرف اكتر عن الكتاب ده وايه الحرية المالية دي عاوز تجرب كلام الكتب يمكن كلام الكتب فعلا يخليك غني.

في البداية حابب أشكر مستقل com عشان هو الراعي للحلقة دي اللي ميعرفش مستقل com فهو عبارة عن موقع بيتاح انك تستخدم اي حد من الناس اون لاين عشان أما بعملك موقع او موبايل ابلكيشن او يعمل لك لو جو لشركتك

او اي حاجة اون لاين ممكن بتعمل هو من الآخر والموقع بسيط وسهل ويخليك تنجز مشاريعك في وقت قليل وبسهولة ولو عاوز تعرف اكتر عن مستقل او تشغل ناس عشان يعملوا لك اي حاجة اون لاين أدخل على اللينك ده حابب بس اقول كذا معلومة.

قبل ما مبتدئ الحلقة الكتاب ده يعد trading book يعني كتاب جواه معلومات وتدريبات لما تعملها هتتحقق اللي ف الكتاب فلا تنتظر مثلا انك مجرد انك شوفت الحلقة دي انك تبقى إنسان غني لأ انت لازم تشوف الحلقة وتقرأ الكتاب وتطبق الكلام اللي موجود جوا الكتاب ده

جرب الأول الكلام اللي معمول جوا الكتاب ده وأي كتاب تاني من النوعية دي وبعد كده لما النتيجة بتاعة الحاجات دي لا تحدث ساعتها قول الكتاب ده لا يعجبني ولم يحقق النتيجة اللي انت كنت عايزها لا تحكم على اي كتاب من النوع ده لو انت فعلا لم تجرب الحاجات الموجودة جوا الكتاب ده.

الكتاب اللي معانا النهارده اسمه المال (أتقن اللعبة ) الكتاب ده بيقول لنا على فكرة اسمها الحرية المالية زي ما قولت لكم من شويه وبيقول ان الحرية المالية دي فكرتها انك تكون مش شايل هم الفلوس يبقى الفلوس هي اللي بتولد نفسها والفلوس عندك ومش شايل هم مثلا انت عاوز تجيب حاجة ومش عارف.

الكتاب ده عبارة عن سبع خطوات لما تمشيهم تحقق الحرية المالية اللي كنا بنتكلم عليها. الكاتب اللي معانا هو توني روبنز هو كاتب شهير جداجدا عملنا له كتاب قبل كده اسمه طلع المارد اللي جواك او طلع الوحش اللي جواك الكتاب ده اتكتب سنة 2014 واخد ريدنز على جودرينز 4 من 5 الكتاب ده جواه سبع خطوات عشان تتقن فن اللعبة وتتقن فن ان يكون معاك فلوس وتتقن فن ان انت يكون عندك حرية مالية.

محتويات المقالة

الخطوة الاولى من كتاب ازاي ممكن تبقى غني

هي خطوة القرار بأنك تدخل جوا اللعبة انك تقرر انك تدخل فلوس مش بتصرف فلوس انك تقرر أن انت يبقى معاك فلوس بجدية اكتر من كده بشوية وده معناه انك تقرر انك تكون مستثمر وليس مستهلك يعني انك تقرر انك هتكون بتدخل فلوس مش بتخرج فلوس.

ده ييجي عن طريق انك تبتدئ تستقطع جزء من الراتب او جزء من الفلوس اللي بتدخل لك دلوقتي عشان تعمل بها الإستثمار اللي انت عاوز تعمله قدام شويه أفتكر ان برضه احنا اخدنا الكتاب ده جورج كلاسون أغنى رجل ف الكتاب ده.

بيقول أن انت لما تدخل 100 جنيه شيل منهم 10 على جنب للاستثمار هنا برضه توني روبنز بيقول لما تدخل أي فلوس لما يكون لك راتب شيل منه جزء عشان تستثمر به ده القرار انك تبدأ بالاستثمار ده القرار انك تبدأ في الحرية المالية.

الخطوة التانيه من كتاب ازاي ممكن تبقى غني

هو انك تخليك جوا اللعبة الفكرة هنا بمنتهى البساطة وتوني روبنز بيقول ان فكرة انك تجيب فلوس دي عاملة زي اللعبة انت بتلعب لعبة وعشان تكسب ف اللعبة دي لازم تبقى عارف عنها كل حاجة انا دلوقتي شيلت فلوس على جنب للاستثمار ف اللعبة دي.

ولكن لازم ادرس اللعبة دي كويس جدا لازم ادرس كل الناس اللي معايا لازم ادرس كل المنافسين بتاعي فكرة انك تجيب فلوس دي لعبة وعشان تكسب ف اللعبة دي لازم تعرف قواعد اللعبة وعشان تعرف قواعد اللعبة لازم تدخل جوا اللعبة لازم تدخل نفسك وبعمق جوا أي حاجة انت عاوز نتعلمها او عاوز تكتسبها او تشتغل فيها انك تجيب فلوس هي عبارة عن لعبة.

مش هيكسب اللعبة دي غير حد كان عايش اصلا جوا اللعبة حتى لو اضطررت انك عشان تكسب اللعبة دي انك تستعين بمساعدة بعض الناس انت تكسب وهما كمان يكسبوا فيه ناس بالرفض لها تتعامل مع السماسرة أو الوسيط عشان هياخد منك فلوس ومن الطرف التاني أيضا.

لكن هو كمان أفادت السمسار ده هو من الناس اللي هيدخلك جوا اللعبة ويديك معلومات كبيرة حاول تستفيد بكل الناس اللي ممكن تدخلك جوا اللعبة دي.

الخطوة التالتة من كتاب ازاي ممكن تبقى غني

حدد سعر أحلامك ايوه كل حاجة ف الدنيا دي للاسف لها سعر حتى الأحلام اللي انت بتحلم بها لها سعر وكل ما الحلم بتاعك يكون كبير كل ما السعر بتاعه يكون كبير وتعبه كبير فيه ثلاث مراحل للحرية المالية.

اول مرحلة هي الأمان فكرة ان انت ممكن تدخل فلوس عشان الفلوس دي بتحقق لك المعيشة اللي انت بتعيشها وخلاص.

فيه مرحلة تانية اسمها الفيتلاتي او المرحلة الحيوية ان هي بتقديم شوية حياء وشوية ترفيه وشوية حاجات فوق الحاجات الأساسية اللي انت محتاجها.

وفي آخر مرحلة خالص اسمها الاستقلالية ان انت فيها مش تحتاج أصلا أن انت تشتغل عند أي حد محدش بيتحكم ف الفلوس اللي داخله لك إلا انت لو انت عاوز توصل لهذه الحرية المالي لازم تعرف أن سعرها غالي.

وعشان تقدر تدفع السعر ده لازم تكون valuable لازم تكون انت نفسك قيم قيم مش بفلوس وبس قيم بمعرفة قيم بمعارف قيم بوقت قيم بكتب وبكل الحاجات اللي ممكن تكون قيم بها مش بس الجزء ده لازم برضه يكون معاك فلوس عشان تحقق الحرية المالية دي لازم يكون معايا فلوس ولكن انا مش شرط تبتدئ بكل الفلوس ابتدي بجزء صغير واستثمر في الجزء ده.

لما يكبر كبره واستثمر فيه اكتر وهكذا كل ما فلوس تخش لك أفضل استثمر فيها لغاية لما تضاعف الفلوس اللي معاك كل ما تستثمر اكتر كل ما يجيب لك ربح اكتر وناخد الربح ال اكتر ده وتستثمره برضه وهكذا تفضل تستثمر ف الفلوس اللي بتجيلك لغاية الفلوس اللي معاك تؤهلك ان انت تعيش الحرية المالية دي.

الخطوة الرابعة من كتاب ازاي ممكن تبقى غني

اعرف بتحط فلوسك فين انا دلوقت عاوز استثمر وعاوز أحقق حرية مالية عاوز اخد كل قرش معايا وكل جنيه معايا واعمل به أي حاجة في حياتي فيه حاجات صغيرة في حياتنا بتاخد مننا الفلوس او دققت وركزت في تفاصيل يومك هتلاقيك بتصرف حاجات كده ف اليوم لو شيلتها على جنب واستثمرتها.

ممكن تغير حياتك لو مثلا بتاكل بره كل يوم أو بتشرب سجاير او بتروح القهوة كتير لو بتعمل أي حاجة صغيرة كل يوم هتلاقيها بتاخد من فلوسك والحاجات دي ممكن تأثر في انك ممكن تعمل بها استثمارات حاول تعمل خريطة توضح ايه الحاجات اللي ممكن تصرفها في يومك العادي.

هتلاقي فيه حاجات كتير جدا انت تصرفها ومش واخد بالك منها لو أخدت بقى الفلوس الصغيرة اللي تصرفها كل يوم دي وابتديت تكبر فيها وتستثمر فيها والفلوس دي كبرت هتلاقي بقى عندك دخل إضافي غير الدخل بتاعك.

نفترض دلوقت مثلا أن انت بتاكل ب 50 جنيه ف اليوم وبتاكل كل يوم بره ف انت في يوم هنا كل فيه بره العادي بتاعك وهتقعد يومين لا تأكل بره وتاخد مثلا أكل معاك من البيت كده هتلاقي نفسك حوشت 20 يوم في 50 جنيه بألف جنيه يعني انت حوشت بس 1000 جنيه بمجرد بس انك غيرت من حياتك حاجة بسيطة في روتين حياتك.

طب والألف جنيه دي مثلا لو جبت بها موبايل مستعمل والموبايل ده عرضته تاني للبيع ب1100 جنيه ساعتها تبيعه وتكسب 100 جنيه الفرق يبقى انت كده عملت استثمار وكسبت 100 جنيه فرق ناخد 1100 جنيه دي وهنطبق القواعد اللي كانت قبل كده.

نبتدي بها ونستثمر في حاجة تانية بها ويدخلوا بعد كده 1400 وبعد كده يدخلوا 2000 كل ده وأنت مش معاك رأس مال كل ده لمجرد انك ف شهر من الشهور لم تأكل كل يوم بره واكبت مرة واحدة بس وفوت يومين.

الخطوة الخامسة من كتاب ازاي ممكن تبقى غني

اعمل لعبة توصل الجزء ده لما يكون معانا موارد تاأهلنا أننا نعمل الحاجات ودي يعني مثلا لما يكون دلوقتي انا استثمرت في حاجات كتيرة جدا ودخلت فلوس كتيرة جدا ودخلت الفلوس دي مثلا في شقة الشقة دي بقت زي كده شغل بيجيب لي فلوس وانا مش بعمل بها أي حاجة لأن بعد فترة لو بعت الشقة دي أكيد هكسب فيها فبعد ما انت بتكون بتدخل فلوس كتير.

ابتدي ارمي فلوس من اللي انت دخلتها في حاجات تجيب لك فلوس حتى لو انت مش بتعمل اي حاجة تشتري أسهم ف البورصة تجيب شقة تخش في اي مشروع مع اي حد بنسبة وهكذا.

الخطوة السادسة من كتاب ازاي ممكن تبقى غني

هي انك تستثمر زي المليونير بيقول لك كده أن أي مليونير يستثمر فلوسه بيفكر دايما في أربع حاجات اول حاجة انه لا يخسر اي فلوس لانه لما تيجي تستثمر استثمر دائما ف الحاجات اللي دايما تكون واثق انها لا تخسر.

والحاجة التانية انك تحسب كويس المخاطرة او العائد اللي ممكن يدخل لك يعني فيه نسبة مخاطرة كدا بس لو كسبنا هنكسب كذا، اول الحاجة التالتة تتوقع كل الحاجات اللي ممكن تحصل.

وكل سيناريو ممكن يحصل في استثماراتك تتوقع بقى اي حاجة كويسة او اي حاجة وحشة ولكن حط أمام كل توقع او حاجة انت ممكن تعملها، رابع حاجة واخر حاجة بيعملها اي مليونير انه مش بيبطل يتعلم ابدا.

الخطوة السابعة من كتاب ازاي ممكن تبقى غني

هي خطوة غريبة جدا بتقول لك استمتع بالحياة الغنية زي ما قولت لكم ف الأول كده على الكتاب بتاع أغنى رجل ف بابل ان انت تشيل جزء من الفلوس اللي بتدخل لك عشان تستثمر بها.

في جزء برضه هتشيله عشان تستمتع به وكل ما يكون معاك فلوس اكتر كل ما تكون بتدخل فلوس اكتر ده معناه ان انت هتستمتع اكتر مش كل الحياة هتكون انا بتدخل فلوس عشان الفلوس دي كلها تدخلها في الاستثمار وخلاص.

توني روبنز بيقول ابتدي استمتع بالحياة اللي انت عايشها دلوقتي هي جيب لك أفكار عن ازاي تطور هذه الحياة وتبقى إنسان أغنى من كده كمان وهكذا يعني كل ما هتستمتع بحياتك الحالية كل ما يجيلك أفكار تخليك تبقى إنسان أغنى واحسن من كده.

دول كانوا الخطوات السبعة عشان توصل للحرية المالية ف الاخر أحب أقول لكم أن مفيش اي حاجة من الحاجات دي ممكن تحصل غير لما انت تجرب غير لما انت تبتدي وافتكر أن اول خطوة كانت خطوة قرار وده معناه ان انت تنفذ بكده نكون خلصنا النهارده كتابنا او المال ( أتقن اللعبة).

المصدر من __ “هُنــــــــــــا”