اكاديمية مجتهد تطوير مهارة الاستماع في خطوات واضحة و بسيطة

الاستماع مهارة لغوية

في موضوع جديد من مواضيع سلسة مجتهد في تعليم اللغة الانجليزية , كيف نواجه مشكلة الاستماع فى اللغة ؟
أكيد واجهتك في مرات عديدة فكرة انك تستمع لشخص يتحدث بطلاقة و انت مش قادر تستوعب الكلام و كل الجمل داخله في بعض تسمع كلمة و يقع منك عشرة وبالتالي أكيد صعب تجاري المتحدث و تفهم هو عاوز يقول ايه !
قبل منتكلم عن خطوات تساعدك تحسن مهارة الاستماع عندك لازم في البداية نوضح فين المشكلة ؟!
و ليه مش بنقدر نستوعب الكلام بالانجليزي ؟ مع العلم أن ممكن لو نفس الكلام مكتوب تقدر تفهمه و تتفاعل معاه ؟!
الموضوع بأختصار :
عقلنا بيتكون من جزئين 1- العقل الواعي 2- العقل اللاواعي

لما بنمارس ونتعامل باللغة العربية بيبقي عقلنا اللاوعي هو الي بيتعامل لأنه متعود علي كده من سنين وأصبح شئ اعتيادي معاه و لكن لما تيجي تتعامل بالانجليزي و مفيش تعود من سنين علي ممارسة اللغة بتبدأ تتعامل بعقلك الواعي و عشان تبدأ تستوعب الكلمة للمتحدث يكون قال عشرة بعديهم و بالتالي بتواجه صعوبة في التعامل !
كمثال : قيادة السيارة في البداية بيبقي امر جديد وغريب عليك و بتركز في كل حاجة بتعملها بنزين , فرامل و تحركات الناس و العربيات من حولك . ده بيحدث لأنك مش ممارس ولسه بتتعامل مع الموضوع بعقلك الواعي .
و لكن لما بتاخد ثقة و ممارسة لمدة طويلة الموضوع بيصبح معاك أمر اعتيادي و بتبدأ تتعامل معاه بعقلك اللاواعي .
أذن الفكرة بكل بساطة ازاي تقدر تحول الموضوع من امر جديد عليك لامر اعتيادي !
في خطوات بسيطة نوضحلكوا اهم الطرق الي من خلالها تقدروا تعلموا كده :

1- الممارسة المستمرة والتحدث المستمر بالطريقة الصحيحة , التحدث والاستماع هما وجهان لعمله واحدة في حالة أستطاعتك انك تطور مهارة التحدث مهارة الاستماع هتتطور بالضرورة والعكس صحيح .

2- قاعدة ال 90 يوم .. ربما الموضوع جديد و لكن قاعدة ال 3 أشهر هي عبارة عن موضوع في أحد التجارب المنتشرة علي موقع Quora و هو عبارة عن ان تخصص من ربع ساعة الي نصف ساعة فقط في اليوم لاستماع قصة او رواية او فديو في اي مجال لمتحدث طليق في اللغة و تستمر في ذلك لمده 3 أشهر سيساعدك هذا بقوة علي تحول مهارة الاستماع الي أمر اعتيادي .

3- محاولة مشاهدة الأفلام او البرامج الأجنبية بدون ترجمة . ربما يكون الأمر في البداية صعب و غير ممتع ولكن هو طريقة من أفضل الطرق للتطور فى كثير من المهارات في اللغة مثل مهارة التحدث والاستماع .

4- ابحث عن English club قريب منك و حاول تتواجد مع أشخاص يتحدثون بكثرة اللغة و تمارس معاهم اللغة وتكتسب الثقة مع الوقت . و دي مقاالة ممتازة من موقع شبابيك بتعرض أهم الأماكن الي متواجدة في مصر و الي تقدر تلاقي فيها تواجد لشباب مع English Instructor لممارسة اللغة : https://goo.gl/vy4wmP

سلسلة مجتهد في تعلم اللغة الإنجليزية :
3 طرق هتساعدك تحسن وتزود من مستواك فى اللغة : https://goo.gl/QeiaUY

أسهل و أسرع طريقة لاحتراف النطق في الانجليزي : https://goo.gl/LVS48S

الاستماع مهارة لغوية

تطوير مهارة الاستماع في خطوات واضحة و بسيطة – مجتهد

اقرأ أيضاً: