وقتك كتير بيضيع فى افكارك الملغبطة , وكل يوم بفكرة وتفكير جديد

طب لو نظمت عقلك , مش هتستفيد بوقتك احسن وهتستغل افكارك اكتر ؟!

تعالو نعيش مع كتاب (( نظم فكرك .تنظم حياتك )) اللى من تأليف الدكتور بول هارمرنيس دكتور فى الطب العقلى فى مستشفى ماساتشوستس , ومارغريت مور , المديرة لمعهد التدريب فى مستشفى ماكلين

وفى كتابهم بيقدموا نصائح فى تنظيم وتوظيف القدرات التنظيمية الداخلية للمخ

ووصفوا فى كتابهم عملية او استراتيجة  من 6 خطوات بهدف تنظيم الوقت والحياة وهم :-

1- ترويض الجنون المؤقت

صعب تتأمل وتشتغل كويس لو كنت متضايق از زهقان وزعلان

علشان كده حاول مشاعرك تكون مستقرة واشتغل على استقرار عواطفك

2 – كن يقظاً

حافظ على تركيزك وفكر فى ده كل شوية , وابعد عن الحاجات اللى بتشتت ذهنك ولما تكون بتشتغل ركز فى حاجه واحده , وساعتها بس هتعرف تخطط وتنسق سلوكك

3 – دوس فرامل

لما تلاقى مخك بدأ يفكر فى مليون حاجه , وبدأت تتشتت وبدأت تفقد اعصابك , اضغط على فرامل مخك وبطل تفكير خالص وابدأ واحده واحده تنظم اللى وراك الأهم فالمهم , وتبدأ حاجه حاجه

4 – شكل المعلومات اللى فى دماغك

فكر بكل فكرة فى دماغك بتأمل وبتمعن , وساعتها بس هتقدر تبصلها بكذا منظور وهتشوف حاجات ملاحظتهاش وانت بتفكر فى الفكرة دى اول مره

5 – ربط المواقع

الشخص المنظم والكفؤ بيجمع كل فكرة بالتانية وبينتج عنهم فكرة تالتة مختلفة خالص عن الفكرتين اللى فى الأول , (( التفكير عن خبرة ))

6 – تحريك القوالب

المقصود بيها هنا هى المرونه

الشخص اللى بيلعب رياضة بيسمى مرن رياضياً وكذلك العقل , خليك مرن عقليا , وتكيف مع الأفكار المحيطة متبصش لأى فكرة بوجهة تظرك انت بس !

برضه مش مترجم ؟؟!!!

طب دول كام طريقة تحافظ بيهم على تنظيم أفكارك

1 – احتفظ بمذكرة فى جيبك دايماً

 

مفيش فكرة عبيطة , ممكن أعبط الأفكار يكون اكثرهم ربحا , اكتب كل فكرة وكل معلومة ممكن تكسب منها أو تستثمرها , واكتب افكارك المهمه قبل اما تنساها

2 – ابعت ايميل او رسالة لنفسك

لو لقيت فكرة ممكن تستفاد منها , هو برضه الإيميل هيبقى معاك على طول ومش هيضيع او رسالة وهتشوفها كتير وانت بتقلب فى رسايلك

3 – ورقة وقلم عند السرير

مبدأياً افكار بعد الساعه 12 الى قارفانا فى عيشيتنا هى احيانا بتكون احسن واغلى الأفكار اللى بتجيلنا

واللى الجسم بيبدأ يستقبلها بغزارة بعد اما تقرر انك هتنام , وده بسبب انك قررت انك تخش فى مرحلة الإسترخاء واللى فيها مخك بيبدأ يفكر فى احلام اليقظه اللى بتقودك علشان تدخل فى حلم

4 – استخدم تليفونك الذكى

اذا كان التليفون ذكى او كده ياريت تستخدمه فى حاجه غير الألعاب , وسجل علية الأفكار اللى بنجيلك والحاجات اللى وراك واللى عايز تخلصها , استخدم المنبة عند أول كل مهمة المفروض تبدأ فيها واللى هيفكرك بالمهمة بتاعتك ويحفزك تبدأ فيها

5- استخدم ال sticky note

اختراع يا كوتش

من احسن الاختراعات والأفكار فى الفتره الأخير , واللى بتفكره بكل حاجه تقريبا وكمان مريحه للعين ومريحه للأعصاب بدل الرنة المزعجه للموبايل , وممكن تلزقها وتشيلها بسهولة من على اى حاجه

6 – استخدم الكتابة

بعيدا ان الكتابة عن افكارك هتعزز وهتطور مهاراتك الكتابية

الكتابة عموما مريحة للأعصاب وهتساعدك تثبت وتحفظ وتؤمن بأفكارك اكتر من الأول , وهتساعدك تبص لأفكارك بمنظور تانى وتفتكر حاجات كنت عايز تضمها لفكرتك

7 – اصنع جدول زمنى ( هام جداا)

مفيش حد ناجح مبيسخدمش الخطوة دى , وهو انك تنظم وترتب مواعيك وتاسكاتك بالوقت , هتبدأ امتى وتخلص امتى , وانت بتحط لنفسك التزام حقيقى

8 – ارسم

ريح اعصابك وارسم فكرتك وساعتها هتبص لمشروعك انه حقيقه ومخك علشان بيستقبل وبيصدق اى حاجه انت بتبعتهالة , هيؤمن جدا بالفكرة وهيحفزك تعملها

9 -العب رياضة

الرياضة غير انها بتديك مساحه تفكر فى كل فكرة بإستفاضة الى انها بتنشط المخ وبتساعدك يشتغل بكفاءة اعلى

#عافر