أفضل 12 مصدر لـ تعلم اللغة الالمانية

سواء كنت مبتدئ أو محترف , فى المقالة دى هتلاقى أفضل المصادر اللى هتأهلك لـ تعلم اللغة الالمانية بسهولة من البداية لحد أما تقدر تتكلم ألمانى كويس وساعتها بس تقدر تكمل تعليمك فى ألمانيا أو تشتغل هناك زى ما تحب .

إقرأ أيضا :- إزاى تبدأ أتعلم ألمانى صح من الصفر للإحتراف !؟

مصادر تعلم اللغة الالمانية بالترتيب :-

1 – موقع (( mylanguages ))

والفرق بين الموقع ده وأى موقع تانى إنه بيدعم اللغة العربية , يعنى تقدر تلف فيه كتير وتبقى فاهم وتتعلم برضة ألمانى براحتك

2 – (( أكاديمية الدارين ))

ودى عاملة مجموعة فيديوهات علشان أساسيات تعلم اللغة الالمانية بسهولة وشرحها باللغة العربية علشان تكون سهلة على المبتدئين

3 – قناة (( GermanPod ))

ودى من أسهل القنوات وأمهرهم فى تعليم اللغة الألمانية , صحيح مشكلتها إنها بتعلم اللغة الألمانية باللغة الإنجليزية , بس لو اللغة الإنجليزية بتاعتك كويسة يبقى دى من أفضل القنوات ليك علشان تتعلم ألمانى كويس جداا

4- (( قناة الهير حسن إسماعيل ))

والقناة دى فيها حوالى 200 فيديو تعلم اللغة الألمانية , كلها مجانية !! .

5 – موقع ( deutsch-lernen )

ده هتلاقى كل الأساسيات مكتوبة وتقدر هنا تتعلم قراءة وكتابة كويس جدااا وممكن يكون أفضل مرجع ليك فى تعلم اللغة الألمانية.

6 – قناة (( BookBox ))

والقناة دى بتعتبر من أفضل القنوات اللى بتحتوى على أغانى بسيطة فى تعلم اللغة الألمانية سواء للصغار أو للكبار , مبتدئين ومحترفين

7 – موقع (( slow german ))

ودى بقى من أقوى الإضافات اللى ممكن تعلمك الألمانى كويس جداااا لإنة بيحتوى على مقالات مترجمة انجليزى المانى وفى نفس الوقت صوت مع كل مقالة بيترجم الكلام اللى بالألمانى للإنجليزى والنطق سواء باللغة الألمانية أو اللغة الإنجليزية وبيحتوى على كل المستويات :-
للمستوى المبتدى :- Absolute Beginner
تعلم اللغة الألمانية عن طريق القصص الخرافات : Märchen
جرامر : Grammatik
التعليم بالحوارات : Dialoge.

8 – موقع (( babbel ))

وده من ضمن المواقع اللى بتعلمك فى صورة إختبار , بإنك تختار الإجابة الصحيحة أكتر من مرة + نطقها الصحيح لحد أما تتعلمها وده سيبناه فى الأخر علشان مش كل الناس ينفع تبدأ بيه لأنة مش الأسهل.

9 – قناة (( Easy German ))

ودى من أجمل وأمتع القنوات اللى ممكن تتعلم منها اللغة الألمانية على اليوتيوب ولكن برضه الشرح باللغة الإنجليزية.

10 – قناة (( Get Germanized ))

والجديد فى القناة دى إنهم بيستخدموا كمية جرافيكس رهيبة فى الفيديو علشان تتعلم اللغة الألمانية كويس , واللى بيخليك تتابعهم بدون ما تحس بالملل

11 – قناة (( Daniel Deutschmann ))

الفرق فى القناة دى إنهم بيعلموك اللغة الألمانية بالرسوم الكارتونية بدل من الملل من الفيديوهات اللى فيها أشخاص بتتكلم بس !

12 – قناة (( Easy Languages ))

الميزة بقى فى القناة دى إن الفيديوهات بتاعتهم فى الشارع
أيوا فى الشارع يعنى تقدر تعرف الشارع الألمانى شكلة عامل إزاى وكمان بيعلموك باللقاء مع الناس فى الشارع وسؤالهم وتاخد نصائحهم فى تعلم اللغة الألمانية (( وطبعا الفيديوهات فيها ترجمة ))

كام نصيحة تخلى بالك منهم فى تعلم اللغة الالمانية :

1 – أى لغة فى العالم مش هتقدر تتقنها من ممارسة لازم لما تتعلم الأساسيات تقدر تدور على حد تتكلم معاه باللغة اللى بتتعلمها .

2 – مفيش حد بيتعلم اللغة من يوم وليلة أصبر كتير .

3 – لو فتحت أى موقع من اللى فوق ولقيتة بيتكلم عن البدايات والأساسيات وإنت برضه لسة مش فاهم إفتح غيرة متيأسش .

4 – أحفظ البوست عندك علشان هتحتاج المصادر اللى فية جدااا قدام وحاول تخلى حد من أصحابك يشجعك ويتعلم معاك ..
خطة تكلم الاسبانية بطلاقة في 7 ايام فقط ! – مجتهد

يمكنكم اصدقاء اكاديمية مجتهد قرأءه المزيد من المقالات في: كورسات مجانية